Sally Toma's email to activists on the new government to set نص ايميل سالي توما عن الترتيب لحكومة الانقاذ الوطني

“يا زملا

الاجتماع امبارح كان فيه عصف ذهني مهم جدا و خرجنا الحمد لله بأتفاق ان الكل موافق على أهمية حكومة انقاذ وطني و ان البرادعي يبقى متحدث عن ده و لكن غير شريك في كل المطالب الاخرئ.. بمعنى أننا نستغل استعداده للنزول و الضغط في المطلب ده.. برضو كلنا اتفقنا في أهمية ان المطلب ده هو سقف المطالب و مش لازم يحرق في اللحظة دي و أننا لازم نبني و نحشد ليه عن طريق المطالب الاخرى و نعلي السقف عند عدم الاستجابة لحد ما نوصل انه وجب تشكيل حكومة انقاذ وطني حالا!

سامحوني بحب اكتب بالعامية

كان عندنا بعض الأمور اللي لازم توضح عشان نتفق و نبدأ شغل و منها طبعا توقيت تشكيل الحكومة / توزيع الحصص في ضوء وجود مجلس/ أزاى نوصل للسقف ده و الخطوات اللي قبله/ يوم 18 نوفمبر / الانتخابات/ الجدول الزمني لتسليم السلطة..

المفروض كل واحد فينا كان هايفكر في تصور لكل ده.. أنا فكرت كتير و اتكلمت مع البرادعي و وصلت لنتائج كويسة لتصوري اللي أكيد هايتبلور بتصوركم يوم الاتنين..

المقترح:

الهدف الضغط لحكومة انقاذ وطني

1- تشكل بطريقتين: من تكنوقراط أو ائتلافية ( كدة الإخوان ضمن المبادرة). ممكن طريقة ثالثة: تراعي تقسيم البرلمان( حلوة للأخوأن لكن نبيعها ليهم أنها مش تنفع عشان الوطني اللي هايبقى في المجلس)

2- امتى تشكل و ليه: بعد أول مرحلة من الانتخابات. عشان كدة قبل ما المجلس ييجي و تبقى الأغلبية أخوان. مع الوضع في الاعتبار ان الإعلان الدستوري مش مدي صلاحية للبرلمان بتشكيل حكومة يعني ممكن إقناع الإخوان. و ان كدة ده مجلس شعب بدون صلاحيات و مش محتاجين نستناه. بعد يوم الانتخابات يمكن يكون فيه فشل و مجزرة و ده سبب قوي لتشكيل الحكومة للأمن و الاقتصاد و فشل المجلس العسكري و الفوضى السياسية.

3- ازاي نبني لده:

أولا: يوم 18 نوفمبر: مطلب جدول زمني لتسليم السلطة.. يمكن اعتصام. طبعا المجلس لن يستجيب. يومها في الميدان توزيع منشورات عن فشل المجلس في الادارة و ايه اللي ممكن حكومة انقاذ تحققه.. من غير مواعيد أو إعلان عن المبادرة لسة.

ثانيا: البرادعي و الإعلاميين هايخلقوا حوار مجتمعي عن الحكومة بس برضو من غير مطلب واضح لأن لسة الانتخابات ماحصلتش و حملة إعلامية.

ثالثا: أحنا هانشتعل على توزيع منشورات الأول توعية الخ.

كدة فيه حراك و فيه موضوع الجدول الزمني شغال و فيه كلام مع الإخوان.

رابعا: الانتخابات: يوم هايبقى فاشل بكل المقاييس في الأغلب و هائزيد لزخم الحاجة لحكومة انقاذ وطني.

خامسا: النقابات و كل الفئات اللي عندها مطالب لازم تنضم للمبادرة و تشوف الحل للمشاكل في حكومة انقاذ وطني فهانشتغل جامد على ده بطرق مباشرة و غير مباشرة بدعم الاعتصامات و الاضرابات الخ..

طبعا الأقباط و 40 الشهداء للحشد ..

سادسا: أحزاب الثورة متبنية لفكرة حكومة انقاذ وطني و جزء من دعايتها الانتخابية و ستساعد في الحشد عليها و على الجدول الزمني. أعرف المصري الديمقراطي مثلا يفعل هذا.

المقترح مثلا يوم 29 أو اللي تشوفوه : موءتمر صحفي كبير جدا بكل الشخصيات الوطنية و نعلن عن الاحتياج لحكومة انقاذ وطني للأسباب التالية:

1. دم و فشل الانتخابات (لو ما حصلش مش مشكلة لأن فيه 2 و3)

2. عدم الاستجابة للجدول الزمني ( لو ماحصلش مش مشكلة غيره )

3. فشل العسكر في ادارة المرحلة الانتقالية و ان الإعلان الدستوري لا يسمح بتشكيل البرلمان للحكومة و كدة هو صوري و المجلس مغتصب مصر.. و لازم تصعيد لإدارة البلاد و أنقاذ الامن و الاقتصاد حتي يكون فيه رئيس منتخب يشكل الحومة ( يعني من سنة لسنتين تقريبا بللي هما ماشيين فيه كدة)

المؤتمر هايعلن أمامكم من 10 أيام ( للي أحنا نشوفه) للاستجابة أو التحرير ( 9 ديسمبر أو اللي نشوفه)

طبعا كل ده تصوري بعد بلورة كل اللي قلتوه امبارح و اللي البرادعي موافق عليه و اللي. أكيد هاتبلوروا الموضوع اكتر بس يا ريت نيجي الاجتماع بافكار محددة عشان نشتغل أيا كان القرار لأن لازم التحالف بتاغنا يتواجد على الأرض و يلعب دور حقيقي في اللي جاي..

يوم 18 لازم له تجهيز لو هانشترك و مفيش وقت.

أقدر أقول ان كل حملة البرادعي بأمكانياتها أيا كانت هاتسخر للمقترح ده بعد موافقتكم و بلورتكم ليه..

عندي مقترح منشور بلدي:) ممكن ينزل التحرير 18 بس لخلق حوار و حالة.. هابعته في إيميل للي عايز يطبع 

نقلا عن:   http://ahmednaje.net/2011/11/